Zilongwa Mbali...Zitendwa Mbali..

Dimba la Mkwakwani Stadium

Nawasabahi wapenzi wa michezo wenzangu popote mlipo

na mnaosoma nakala ya Mgosi wa Sui Sports Zone.Mwaka

2001 pale Mjini arusha wakati bado nikiwa nalisakata

Kandanda Nilikwenda na Timu Vijana ya Eagle kushiriki

mashindano ya East and Central Africa youth champion

yanayokwenda kwa jina la Rollingstone..huko nilikutana

na Mastaa wengi wa Tanzania akiwepo Nyoni Beki kisiki

wa Timu ya Taifa kwa sasa,Siku tulipofika Arusha kama

kawaida ya wachezaji na hii ni Duniani kote ni ile hamasa

ya kutaka kuona sehemu ya Tukio(Uwanja) wa mashindano,

tukaenda Sheikh Amri abeid Kaluta na kuingia uwanjani na

kuanza kuelekea sehemu ya kuchezea na Mokasini zetu za

 sikukuu mara tukasikia sauti ya kizee ikituita..aloo..aloo

 

Kilimanjaro Wakiwa wameweka Jukwaa Uwanjani

tulipogeuka tukapewa ishara ya kuitwa mahali Fulani pale

uwanjani,tukasalimia yule mzee na akajitambulisha yeye

ni meneja wa uwanja akatuuliza kulikoni mnaelekea uwanjani?

tukamjibu tukiwa tunajiamini kabisa sisi ni vijana kutoka Tanga

tumekuja kwenye mashindano ya Vijana yanayoanza kesho,

tunataka kuona sehemu ya kuchezea,akatuangalia juu mpaka

chini halafu akatujibu sio ruhusa kuingia uwanjani kiholela subirini

 mkija kucheza mtaingia kiwanjani kama kwa mbali hamridhiki

kuona uwanja subirini kesho,Tukashangaa na tukafikiria ni utani

na yule mzee akaendelea na shuhuli zake ndipo tulipojua kamaanisha

alichokisema na tulipokwenda majukwaani ki ukweli hatukuona

 mtu akikatiza kiwanja na Mokasini,Kesho yake kama kawa kikapigwa

 na Tulitoka suluhu,Lengo la kuwaletea Makala haya ni kuelezea

masikitiko yangu kwa jinsi hadhi ya viwanja zilivyoshuka kwa sasa

 nchini Tanzania,huhitaji njumu kuingia uwanjani unahitaji Mokasini

 uingie kiwanjani na hadhi hiyo miongoni mwa watu wa kubwa

wanaoshusha ni wale wale wenzetu kwenye sekta ya michezo,

 

Maandalizi ya Kinywaji Uwanjani

Serengeti Ambao ni wadhamini wa Taifa Stars,na Kilimanjaro

wadhamini wa Klabu zenye mashabiki wengi Tanzania Simba na Yanga

 kasoro Mimi tu ninayeandika Makala haya,Hawa jamaa kila mwaka

wanaandaa matamasha ya kimuziki makubwa sana na hawayapeleki

 kokote isipokuwa katika viwanja vya mpira lakini hao hao ni mabingwa

 wa kuponda viwanja vibovu pindi ligi kuu inapoanza sijui tuwaelewe

 vipi kiukweli,watu wanajazana katikati ya kiwanja na siku iwe

kulinyesha mvua ndio utakapojua uwanja ni Zizi la N’gombe ama

uwanja wa kuchezea mpira,hivi wana maana gani tuseme?

hakuna sehemu nyengine ya kufanya matamasha yao mpaka

waingie kiwanjani?kama wanaona ni muda wa kupromoti starehe

 si wajenge kumbi sasa za Starehe?wasitumie madhaifu ya chama

tawala kuwapa kiwanja ndio na wao watuharibie viwanja vya mpira,

watu wa mpira walikaa wakaona wajenge viwanja vya mpira na watu

 wa Muziki wakae wajenge maholi ya muziki sio kuchanganya madawa,

 

Meza za Chakula na Vinywaji Uwanjani

vipo viwanja vingi vya wazi kwa hadhi yao na pesa walizonazo wangeweza

 kurekebisha na kupigia miziki huko lakini wana ulazima wa kuingia kiwanjani

 na Kinachosikitisha wao ni wadau wakubwa wa Mpira,nafikiri wanajidai wadau

 wa Mpira ila ni wanafiki ki ukweli,zama za Kutokuingia kiwanjani na Mokasini

zimepitwa na wakati sasa,huhitaji Njumu kuingia Dimbani,Vaa katambuga,

pekupeku,malapa,mchuchumio unaweza ingia dimbani kulisakata Dansi na

 wengine inafikia pia kufanya viwanja hivyo Vyumba vya kulala kwa kufanya yao.

Tulisubiria sana kuingia kiwanja cha mpira wakati wa utoto wetu lakini kipindi hiki

 hakuna cha kusubiria,siku na saa yoyote unataka kuingia kiwanjani utaingia tu

hakuna wa kukuzuia,sio sehemu maalumu tena ni sehemu ya kawaida na ya

kijamii kama masoko ambayo unaweza kuinga hata bila kununua kitu na usiulizwe,

Halafu na nyie wamiliki wa Viwanja basi njaa zisiwaue hivyo,kwani wanamipa

shilingi ngapi?siamini kama wanatoa pesa ya maana hivyo kama tunazotoa sisi

watu wa mpira pindi tukicheza mpira hapo kiwanjani,Mechi moja ya Coastal na

 Yanga pale Mkwakwani stadium Uwanja walipata takribani milioni 18,

sidhani na siamini kama Hao Serengeti na Kilimanjaro wanatoa hata asilimia

 kumi ya hiyo hela,sasa mbona watu wa uwanja mnatuangusha kwa vijisenti

 vya mara moja kwa mwaka?uwanja ukifungiwa hizo hela zitapatikana wapi tena?

namalizia na maneno ya wahenga yanayosema”Msiache mbachao kwa msaada upitao”

 

National Stadium